समाचार

रुसी कूटनीतिज्ञलाई देश निकाला गर्ने बेलायतको आदेश

काठमाण्डौ । बेलायती प्रधानमन्त्री टेरीजामेले २३ जना रुसी कूटनीतिज्ञलाई देश निकाला गर्ने आदेश दिएकी छीन् ।

रुसका पूर्व गुप्तचर र सर्गेइ स्क्रिपाल र उनकी छोरी युलिया स्क्रिपालमाथि गत मार्च ४ मा बेलायतमा विष प्रयोग गरी भएको हमलामा रुसको संलग्नता देखिएको भन्दै उनले रुसी कूटनीतिज्ञहरुलाई देश निकासा गर्ने आदेश दिएको बताइन । ती कूटनीतिज्ञहरुलाई देश छाड्न एक हप्ताको समय दिइएको छ ।

यसैबीच रुसी विदेश मन्त्री सेर्गेई लाभ्रोभले मस्कोमा पत्रकार सम्मेलन गर्दै उनले उक्त घटनाबारे बेलायतले आफूलाई सबै थाहा भएजसो गरी विश्वलाई बताउन खोजेको आरोप लगाए । बेलायतको आरोप बलियो र गम्भीर नभएको उनको भनाइ थियो ।

सर्गेई स्क्रिपाल र उनकी छोरीलाई रुसमा बनाइएको स्नायुप्रणालीमा असर गर्ने विषालु पदार्थबाट लण्डनमा किन आक्रमण गरियो भन्नेबारे जवाफ दिन बेलायतले दिएको समयसीमालाई रुसले बेवास्ता गरेपछि बेलायतको राष्ट्रिय सुरक्षा परिषद्ले थप प्रतिबन्धबारे छलफल गरेको छ ।

युरोपेली आयोगका प्रवक्ता एलेक्जेन्डर विन्र्टस्टाइनले दोषीमाथि कारबाही गर्ने बेलायतको प्रयासमा समर्थन हुने बताएका छन् ।

२०७४ चैत्र १ गते मा प्रकाशित

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

यसमा तपाईको मत