राजनीति

बम विष्फोटमा परेपछि यस्तो आयो गगन थापाको प्रतिक्रिया

 मंसिर १८, काठमाडौं– काठमाडौको चपली हाइटमा बम विस्फोट हुँदा घाइते भएका कांग्रेस नेता तथा काठमाडौं–४ का कांग्रेस उम्मेदवार गगन थापाले यस्ता घटनाहरुबाट आतंकित तथा विचलित नहुन मतदातालाई आग्रह गरेका छन् । 

अस्पतालमा सामान्य उपचारपछि अस्पतालबाट बाहिरिने क्रममा घाइते थापाले आफूलाई लक्षित गरेर बम बिस्फोट गराइए पनि आफु बच्न सफल भएको बताए । 

उनले लोकतन्त्र विरोधी तथा आफ्नो पक्षमा आएको जनमतको लहर देखेर कायरहरुले आफूलाई आक्रमण प्रयास गरेको भन्दै यस्ता घटनाबाट कांग्रेस र आफू कतिपनि विचलित नहुने बताए ।

बम विस्फोट हुँदा थापासहित ११ जना घाइते भएका थिए । घाइतेहरुको महाराजगञ्जस्थित शिक्षण अस्पतालमा उपचार भइरहेको छ । घाइते मध्ये दुई जनाको अवस्था अत्यन्त गम्भीर रहेको कांग्रेसले जनाएको छ ।

२०७४ मंसिर १८ गते मा प्रकाशित

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

यसमा तपाईको मत