कला

क्यान्सर पीडित बालक प्रत्युस थापाको उपचारको लागि ‘Runway’ मा सुमन

जितपुर सिमरा उपमहानगरपालिकाका ब्लड क्यान्सर पीडित ३ बर्षिय बालक प्रत्युस थापाको उपचारको सहयोगार्थ टि.यस्  फिल्मसको आयोजनामा   ‘Runway Fashion parade 2017’ सम्पन्न भएको छ   ।

शनिबार राजधानीको दरबारमार्ग स्थित डेजा भू  क्लबमा आयोजना भएको उक्त कार्यक्रममा  दुई दर्जन भन्दा बढी कलाकर्मिको उपस्थिति रहेको  थियो  । जसमा मोडल हन्ट नेपाल २०१७ को ‘ Socially responsible’  अवार्ड जितेका  सुमन  शेर्पाल पनि सहभागी थिए  ।

मोडल हन्ट नेपाल २०१७ को ‘ Socially responsible’  अवार्ड जितेपछि समाजको लागि काम गर्छु भन्ने सुमन आज ब्लड क्यान्सर पीडित ३ बर्षिय बालकको लागि Runway मा हिड्न पाउदा आफु एकदमै खुसी भएको बताउछन् ।

सुमन भन्छन  : ‘मेरो अवार्डको उदेश्य नै समाजको सहयोगको लागि थियो अनि त्यो अवार्ड पाएर आज समाजको अनि कसैको जिन्दगी बचाउनुको केहि टेवा पुर्याउन मैले जे गरे म एकदम खुसी छु । ‘ त्यस्तैमा उनी फेरि भन्छन, ‘ मैले आगामी दिनहरुमा समाजको लागि के कस्तो सहयोग गर्नुपर्छ म सधै तत्पर रहनेछु ।’

Runway parade  २०१७ मा showstopper को रुपमा वर्षा राउत , दीपा श्री निरौला , बेनिषा हमाल , अशिस्मा नकर्मी, रिमा बिश्वकर्मा मिस्टर नेपाल २०१७ का बिजेता अक्ष रायमाझी,  सलोन बस्नेत , म्याक्स बस्नेत  तथा दर्जनौ कलाकार उपस्थिति थिए  ।

 नेपाल आइडलमा समेत उद्घोषक रहेका सुशील नेपाल  त्यो शो को उद्घोषक थिए   ।  त्यस्तै  गायक कमल खत्रीको बेजोड सांगीतिक प्रस्तुति उक्त कार्यक्रममा  रहेको  थियो   ।

२०७४ भाद्र २७ गते मा प्रकाशित

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

यसमा तपाईको मत